ព្រឹកថ្ងៃទី១៤ ខែមករា ឆ្នាំ២០២៥ ឯកឧត្តម លី ផល្លា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ប្រធានក្រុមការងាររាជរដ្ឋាភិបាលចុះមូលដ្ឋានស្រុកស្នួល ខេត្តក្រចេះ និងលោក គង់ គឹមនី អភិបាលរងនៃគណៈអភិបាលខេត្តក្រចេះ បានចូលរួមជាអធិបតីក្នុងកម្មវិធីវេទិកាសាធារណៈ ដើម្បីតាមដាន និងត្រួតពិនិត្យ ការអនុវត្តកម្មវិធីគោលនយោបាយ បញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា នៅភូមិគ្រញូង ៣ ឃុំគ្រញូងសែនជ័យ ស្រុកស្នួល ខេត្តក្រចេះ ដែលមានការអញ្ជើញចូលរួម ពិឯកឧត្តម លោក លោកស្រី ក្រុមការងាររាជរដ្ឋាភិបាល ក្រុមការងារខេត្តចុះមូលដ្ឋានស្រុកស្នួល ក្រុមប្រឹក្សាស្រុក គណៈអភិបាលស្រុក មន្ត្រីរាជការ កងកម្លាំងប្រដាប់អាវុធ និងបងប្អូនប្រជាពលរដ្ឋសរុប ១៥៤នាក់។ ក្នុងនោះបងប្អូនប្រជាពលរដ្ឋបានស្នើសុំ មានចំនួន ១១ករណី ហើយបានដោះស្រាយបានរួចរាល់ទាំង១១ករណី។
ខ្លឹមសារ និងរូបភាពពីក្រុមការងាររាជរដ្ឋាភិបាលចុះមូលដ្ឋានស្រុកស្នួល ខេត្តក្រចេះ
