កណ្តាល៖ អស់រយៈពេលជាង៥ឆ្នាំកន្លងមកហើយក្នុងពិធីដាំកូនឈើប្រណីតអំឡុងពេលដែលលោក ប្រធាន ធ្លាប់បានសាងផ្នួលសងគុណលោកឪពុកនិងអ្នកម្តាយរបស់លោកប្រធាន។
ហើយនៅព្រឹកថ្ងៃទី៥ ខែកញ្ញា ឆ្នាំ២០២៤ លោក ទេស វិបុល ប្រធានសមាគមសេរីភាពអ្នកសារព័ត៌មានកម្ពុជា បានចុះមកពិនិត្យមើលដើមឈើប្រណីត(ដើមគ្រញូង)នៅវត្តបារុង ស្ថិតនៅភូមិបារុង សង្កាត់បារុង ក្រុងអរិយក្សត្រ នៃខេត្តកណ្តាល។
លោកប្រធាន និងប្រជាពលរដ្ឋម្នាក់បានជួយលើកដើមឈើមួយដើមដែលបានដួលដេកទៅនឹងព្រះធរណីឱ្យបានរស់ឡើងវិញ។
ហើយនៅព្រឹកមិញនេះ លោកប្រធានសមាគមបានលើកឡើងថា៖ លោកនឹងត្រៀមយកកូនឈើប្រណីតរាប់រយដើមបន្ថែមទៀតដើម្បីយកមកដាំក្នុងបរិវេណវត្តដដែលនេះ(វត្តបារុង)។
លោកបានបន្តទៀតថា៖ លោកនឹងត្រៀមខ្លួនមកធ្វើសមាធិនៅក្រោមដើមឈើដែលលោកបានដាំក្នុងបរិវេណវត្តបារុងក្នុងរយ:ពេលខ្លីដើម្បីធ្វើឱ្យអារម្មណ៍ស្ងប់ស្ងាត់ ពិសេសទៅទៀតនោះគឺគាត់ចង់បានកុសលផលបុណ្យពីការសមាធិ៕
ដោយៈកូនសិស្ស មាស សុវណ្ណ!
