ជំនួបពិភាក្សា រវាងថ្នាក់ដឹកនាំអន្តរក្រសួង ជាមួយក្រុមវេជ្ជបណ្ឌិតស្ម័គ្រចិត្តសាសនាចក្រនៃព្រះយេស៊ូវគ្រឹស្តមកពីសហរដ្ឋអាមេរិក ដឹកនាំដោយ Dr. Elder David Jones and Sister Jones ដើម្បីផ្លាស់ប្តូរបទពិសោធន៍ និងចែករំលែកចំណេះដឹង លើការងាររៀបចំការគ្រប់គ្រងប្រតិបត្តិការក្នុងមន្ទីរពេទ្យតេជោសែនកោះធំ សំដៅធ្វើឱ្យក្លាយជាមន្ទីរពេទ្យស្តង់ដារថ្នាក់តំបន់ ដែលបម្រើសេវាសុខាភិបាលជូនដល់បងប្អូនប្រជាពលរដ្ឋ បានលឿនរហ័ស ប្រកបដោយគុណភាព និងប្រសិទ្ធភាពខ្ពស់។
ជំនួបពិភាក្សានេះដែរ ត្រូវបានរៀបចំឡើងនៅ ទីស្តីការក្រសួងសារធារណការ និងដឹកជញ្ជូន ដឹកនាំដោយ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី១០ ខែសីហា ឆ្នាំ២០២៣ ដោយមានការចូលរួមពី លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ឯកឧត្តមសាស្ត្រាចារ្យ វេជ្ជបណ្ឌិត ឈាង រ៉ា អគ្គនាយកមន្ទីរពេទ្យកាល់ម៉ែត ព្រមទាំង ឯកឧត្តម លោកជំទាវ ជាថ្នាក់ដឹកនាំក្រសួងសាធារណការ និងដឹកជញ្ជូន លោកអភិបាល នៃគណៈអភិបាលស្រុកកោះធំ និងមន្ត្រីជំនាញពាក់ព័ន្ធជាច្រើនរូប៕
